الغيرة

هل أنت غيور علي دينك؟
طبعا الكل هيصرخ:طبعا
طيب يا عم الأمور أو الأمورة
يعني أنت بتحب دينك و بتخاف عليه
ودينك ده من أعظم الديانات
طيب دينك ده بقالو قد إيه؟
هتقوللي قرون
و أنا موافقك يا سيدي وكلامك صح
و فعلا دينك ده صلح من حال البشر
و دي حقيقة مفروغ منها
ودينك ده بيقول إيه؟
لا تقتل
لا تسرق
لا تظلم
و إلي أخره
و أنا برضه موافقك
دينك ده فيه قد إيه من العباد؟
ملايين الملايين
برافو عليك
طب دا أنت دينك فعلا زي الفل
بس أنا عندي تعليق صغير
لما حد يقول رأيه في دينك و مش عاجبك رأيه
مش معناها إنك تضربه
أو تحرق بيته
لأن دينك زي ماقولنا
من أعظم الديانات
و الرأي ده مش هو إللي هيبوظه
ولما حد يسيب دينك ويروح لدين تاني
أو يسيب الديانات كلها
حاول تقنعه مش تجبره
هو حر
لأن دينك برضه زي ماقولنا
فيه ملايين الملايين
يعني مش خسران حاجة
أفهم دينك صح و حاول تشوف إذا كنا كلنا فاهمين برضه صح
ولو أحنا فاهمين غلط صححنا
ولو أنت غلط هنصححلك
كده أنت بتغير علي دينك
أه صحيح نسيت
و أحترم الأخرين
مهما كان
مسلم
مسيحي
يهودي
إلي أخره
الكلام ده مش لمصطفي و زينب بس
ده برضه لمينا و ماري
وفي الأخر
وطن واحد
شعب واحد